اولا صاحا رمضانكم
ثانيا صحا فطوركم
وثالثا نفهمكم الموضوع لي مفهوم من عنوانو
الموضوع يقول وش درتولنا لفطور
يعني لي يدخل يقول واش دارو الفطور فهذ اليوم
منها نستفيدو من خبرات بعض ومنها نسخفو رواحنا
نتمنى يكون عجبكم الموضوع ونتمنى تتفاعلو معايا
نبدا انا
اليوم الاول كانت مائدتنا هكذا
كي العادة شربة فريك
وطاجين الحلو ولا طاجين العين
وتاني حبيبي البوراك
وسلاطة
وعلابالكم مشروبات لبن تمر وغيرهم
وهذ اليوم لي هو اليوم التاني درنا
نفس الطبق الاول شربة فريك
والطبق التاني كان طجين الرخام
والبوراك والمشروبات وسلطة والخ
ونتوما؟