كيراكم دايرين؟؟؟ غاية؟؟؟ إن شاء الله تكونوا بخير وصحة ممتازة اليوم جبتلكم موضوع وهاد الموضوع راه شاغل بال الناس بزاف في هادو ليام بصح كاين وكاين صافي كاين اللي راه عاطي الامور أهمية وكاين اللي لا راكم تشوفوا شتا راه صاري في بلادنا مع هاد المدة التالية رانا نشوفو تصاوير ومجلات حائطية في الجدران للشوارع في المدن والولايات الجزائرية أنا مافهمتش علاه راه صاري هاد الشي كامل سقسيت وسقسيت قال بلي هاد الفوت قلتلهم تاعش فوت؟ تاع الانتخابات التشريعية ؟ولا الرئاسية ههه زعما راني نقارع غير وينتا نفوت على ... بوتفليقة رئيسنا تمنيت لوكان جات إنتخابات رئاسية تعرفوا علاه؟؟؟ أنا تخلطت من راسي تعرفوا شحال من واحد راه مرشح روحه ... بزااااااااااف والاكثرية نساء الحقيقة أول مرة في حياتي إنشاء الله غادي نفوت بصح مراني فاهمة فيها والو؟؟؟؟؟ أنا قلتلهم غادي إذا فوطيت نحطهم قاع ولا نحط الظرف فارغ؟؟؟؟ بغيت نعرف رايكم نتوما تاني في هاد الانتخابات ونتمنى نعرف شكون اللي غادي يفوتي تاني أنا هادي أول مرة غادي ننتخب إن شاء الله وشكون تاني ؟؟؟ هنايا نفتحوا مجال للنقاش عن يوم 10 ماي 2012 أرجوا تفاعل الاعضاء وشكراً
حبيبتايا خوله وفدوى أشكركما كثيراً على المرور من هنا أسعدني حقا تواجدكما الرائع كالعادة بالرغم من صغر سنكما وأنتما قريبا ستبلغان السن القانوني لحق وواجب الانتخاب إلاّ أنّكما شاركتوماني برأيكما حفظكما الرحمان ربما كما قالت فدوى سأضع الظرف فارغا ولكن سأبحث عن ما يخفيه حزبُ البطاطا هذا ثمن الكيلوغرام الواحد 10 دج واو هذا لا يصدق فأنا أشتريه حاليا ب 100 دج هناك فرقٌ كبير ياااااي ياسلام ههه الله يجيب الخير هدا مكان
انا ماغاديش ننتخب ديجا ماكان حتى حزب صالح وكيفاش راني ننتخب وهما سراقين راهم من تحت التحت حتى اوماتنتاخبش يفوتوهم ههههههههههه التقرعيش الباطاطا دارت حاله
السلام عليكم دروب الفلاح((أسماء)) كيف حالكي آآآه لقد مر يومان على الانتخابات ولم تطلعين على أخباركي اذا هل انتخبتي أم لالالالالا؟؟ أرأيتي ماذا حدث في النهاية أفضل حزب لم يحصل على أي صوت انني أتحدث عن حزب البطاطا
فدوى أنا بخير والحمد لله نتمنى أنكِ راكي غاية نتي فاني آه فكرتيني شكرًا كتبت الموضوع بلا مانرد عليه ونسيته كامل أوكِ واه راني إنتخبت وإنتخبت لاول مرة كان شعور رائع صدقيني فرحت بزاف أخذيت بطاقة الناخب وبطاقة التعريف الوطنية ومشيت ننتخب في البداية قريت رقم المكتب على بطاقة الانتخاب ودخلت إخذيت معايا أختي الصغيرة وللأسف كان المكتب اللي إنتخبت فيه أمي غير اللي إنتخبت فيه أنا المهم راني رفدت كامل اوراق المترشحين 44 كرهولي حياتي هههه ومن بعد كيدخلت الورقة الاخيرة كانت تاع افلان جبهة التحرير الوطني ايا دخلتها في الظرف بصح قبل داك بصمت يعني البصمة وحتى الدروك راهي باقية في إصبعي الايسر هههه المهم حسيت أن كانت عندي مسؤولية فات غاية المهم ونجح الحزب اللي فوتيت عليه هادي هي شكرا
الجمعة 31 مايو 2019 - 19:50 من طرف 
